MIMBAR TANEAK JANG: April 2012

Pages

Petueak Untuk Te

Idup manusio,amen bi penuak ngen perasaan tamak,mako denio yo traso sepit magea tun awei o. Dio ade cerito tun mena'o,cerito yo terjijai neak daerah Baghdad/Iraq. Ade juragan taneak menea pengumuman magea masyrakat ne..ijai isai pengumuman o ade ba, buliak masyarakat daerah o mok taneak ne..tapi ade syarat,syarat ne ade ba..paneu muloi matai bilai timoa kunei umeak juragan o..sudo o belek igai sapei jako maghrib. Keuak ipe tun o paneu,klibea o ba taneak ijai hok milik ne. Ijai miuk pengumuman o, dau de antusias ne..cuma de paling nien ne ade o..do o ba tun tamak ngen taneak neak daerah o. Kareno si o sangup ngen syarat juragan kayo o,mako sudo shubuh si minoi izin paneu sesuoi ngen syarat juragan o nano, ayok lalau juragan taneak o madeak..nemin ba sangau neak dalen,bareak bioa serto upan-upan luyen.

Sudo si semiap kute,mako muloi ba si brakat, trus tun o paneu..tetiko agok mengacap didik, coa makei bedan..sapei coa tinget menem bioa igai. Muloi cunung pelbeak tun o muloi cigai tenago, cuma si trus meker amen si bedan..kedau meter si rugai ngen taneak. Sekitar jam pat pelbeak,tun o bi muloi cigai tenago matai bi muloi kunang-kunang..bedan ba si tegoa,muk bioa ngen sangau nemin ne pueng nano..kareno terlalu payeak paneu kunei pueng sapei pelbeak tameak igai langsung muk upan..mako meningea si ati ngut sapei penan umeak juragan taneak o nano. KEDAU SI DAPET TANEAK SMUDO NE..?? cuma duai meter lebiak kuang utuk kubua ne,kute harapan ne nano abis kareno ajea bi sapei. Ijai sanok-sanok keme kute ne, urusan taneak yo muloi kunei mena'o..tun tamak ngen hok,jabatan & luyen-luyen ne muloi kunei mena'o bi ade sessi.

Ijai pelajaran magea ite kute ne ade ba, coa barea ite mesoa hok..coa barea ite kayo,agamo coa temgeak kayo..agamo coa temgeak dau hok..bahkan agamo meluak manusio mesoa hok,cuma jibeak sapei tamak ige lem mesoa hok. Kareno tip manusio laher moi denio coa min jano-jano,hok milik de ade ngen ite..ade ba hok pinyem kunei Allah swt, amen ite bersyukur & nam gemuno ne moi dalen de baik..mako hok o pacok min ite moi sergo,awei o kulo kbelek ne. Semugo cerito siket yo,ade manfaat & ijai renungan magea ite kute ne..Amiin.

H Anton-Topos

Amen lok tun te Jang yo maju,maro ba ite tmameak kualitas te. Jibeak dau ige miling ngelmer coa tau gen ne,tapi maro ba ite ijai pribadi bsi'ing, tai ne..ade lemau de nam ite mujo neak glangang. Trus ba ite menea jano de nam ite menea untuk maju ne taneak tanai te,coa mengharap tun mujai,tapi ikhlas untuk masyarakat te,serto untuk generasi maso teko. Amen ite pogoa ngelmer coa tau gen ne,jano igai amen bkeroa trus,coa mudeak ite maju da....Maro ba ite saling dukung sesamo te tun Jang,jibeak sapei saling tikem mnikem. Smugo persatuan tun te tep terjago..Amiiin.

Senin, 02 April 2012

Cerito Penguet Imen

Published : 03.58 Author : Anton

Ade neanei te didik die a. Ijai ade lem crito ne mena'o kekek ngen kiong.
Bilai-bilai kiong coa nien as kemliak kekek,sinis bae..tip btemau trus ling kidek..tapi kekek tep bae awei biaso ne,tip btemau si berusaho smapo kiong,temnai kabar..kiong masiak bae coa dulai,jibeak gi miling e kemliak ne bae coa nyut kiong. Smudo ne kekek mraso serbo saleak,neker ne gemne ba kiong awei o ngen si,jano si yo ade saleak atau ade smingung perasaan kiong...
Nmot kekek bilai paling tepat ne,si lok temnai ngen kiong ..gensi saleak ne sapei kiong awei o ngen si. Akhir ne skitar jam 9 pueng,kekek magea kiong..Nadeak kekek,kiong..ite bi an idup neak daerah yo,tapi gemne ko trus sinis bae kemliak uku..jano ade uku menea saleak ngen ko atau ade uku smingung perasaan nu...? amen ade awei o uku lok minoi maaf,uku ijai serbo saleak ngen sikep nu awei o kiong nadeak kekek. Miuk kekek awei o,kiong lajau ba madeak..sebenea ne ko coa gen saleak kekek tapi uku meraso iri kemliak ko,ko ade kekea pat nam mlupat mini minoi ne,nam melwen. Sementaro uku,kliak ba..neak kdongku yo..coa ku namen gen jano si ban kebnek yo trus ade neak kdongku..lok te paneu benek asai ne. Miuk nadeak kiong yo kekek muloi namen masalah ne,gemne selamo yo kiong coa nien as kemliak kekek...
Nadeak kekek ngen kiong,sebenea ne ko saleak da kiong,ko cuma kemliak de baik ne bae geak ku,ko coa perneak kemliak kidek ne..ijai ko mangap ko trus kuang,padahal ite yo sesamo ade kuang ade kulo lebiak ne. Ati ngut sudo kekek madeak io,sapei sekep smimar kekek yo...sementaro kiong paneu coa sekep dulai ige,coa si upan ne.
Sejak peritiwa o,muloi kiong sadar..amen trus mukua awok ngen bayang-bayang luyen,mako idup yo ijai spit..selalu mangap coa mampu,smudo ne ijai penyakit atei.
Nah,dio sekedar crito bnatang bae da..Ite lok mok hikmah kunei crito yo,jibeak selalu mangap ite coa mampu,sehinggo amen awei o bilai-bilai te trus ngen sipet pesimis,coa mudeak maju..minder trus,akhir ne ijai sipet kidek,iri serto dengki ngen tun luyen. Bersyukur ba ngen nikmat nlei Allah SWT ngen ite,gnuno ba nikmat o untuk menea uleak baik sesamo manusio,kute ite ade kuang ade kulo lebiak ne..tingea ite lok bersyukur jano coa ne. Smugo bermanfaat...

H. Anton-Topos

Idup manusio,amen bi penuak ngen perasaan tamak,mako denio yo traso sepit magea tun awei o. Dio ade cerito tun mena'o,cerito yo terjijai neak daerah Baghdad/Iraq. Ade juragan taneak menea pengumuman magea masyrakat ne..ijai isai pengumuman o ade ba, buliak masyarakat daerah o mok taneak ne..tapi ade syarat,syarat ne ade ba..paneu muloi matai bilai timoa kunei umeak juragan o..sudo o belek igai sapei jako maghrib. Keuak ipe tun o paneu,klibea o ba taneak ijai hok milik ne. Ijai miuk pengumuman o, dau de antusias ne..cuma de paling nien ne ade o..do o ba tun tamak ngen taneak neak daerah o. Kareno si o sangup ngen syarat juragan kayo o,mako sudo shubuh si minoi izin paneu sesuoi ngen syarat juragan o nano, ayok lalau juragan taneak o madeak..nemin ba sangau neak dalen,bareak bioa serto upan-upan luyen. Sudo si semiap kute,mako muloi ba si brakat, trus tun o paneu..tetiko agok mengacap didik, coa makei bedan..sapei coa tinget menem bioa igai. Muloi cunung pelbeak tun o muloi cigai tenago, cuma si trus meker amen si bedan..kedau meter si rugai ngen taneak. Sekitar jam pat pelbeak,tun o bi muloi cigai tenago matai bi muloi kunang-kunang..bedan ba si tegoa,muk bioa ngen sangau nemin ne pueng nano..kareno terlalu payeak paneu kunei pueng sapei pelbeak tameak igai langsung muk upan..mako meningea si ati ngut sapei penan umeak juragan taneak o nano. KEDAU SI DAPET TANEAK SMUDO NE..?? cuma duai meter lebiak kuang utuk kubua ne,kute harapan ne nano abis kareno ajea bi sapei. Ijai sanok-sanok keme kute ne, urusan taneak yo muloi kunei mena'o..tun tamak ngen hok,jabatan & luyen-luyen ne muloi kunei mena'o bi ade sessi. Ijai pelajaran magea ite kute ne ade ba, coa barea ite mesoa hok..coa barea ite kayo,agamo coa temgeak kayo..agamo coa temgeak dau hok..bahkan agamo meluak manusio mesoa hok,cuma jibeak sapei tamak ige lem mesoa hok. Kareno tip manusio laher moi denio coa min jano-jano,hok milik de ade ngen ite..ade ba hok pinyem kunei Allah swt, amen ite bersyukur & nam gemuno ne moi dalen de baik..mako hok o pacok min ite moi sergo,awei o kulo kbelek ne. Semugo cerito siket yo,ade manfaat & ijai renungan magea ite kute ne..Amiin. H Anton-Topos

Designed by Petueak Magea Ite introducing the 2012 collection of Memory Foam Toppers and Mimbar Taneak Jang

Pages

MIMBAR TANEAK JANG

Daftar Isi

Petueak Untuk Te

Senin, 02 April 2012

Cerito Penguet Imen

Terbaru

Profil